剪頭髮對於小m黎講係一件好困擾的事
仲記得中學既時候，
那時候因為某Ｄ因素影響之下，
喜歡自然既碎陰，
每次都拎呢張相去俾髮型師睇（尷尬）
我每次都講同一番說話
「我係分左邊暗界，Ｄ陰想剪碎既，自然既，有小小斜，最短既的要過眼眉！」
但係每次出黎都係……
嬲‧傷‧慘‧憂‧愁
我唸大家都知會係點！
之後我就開始唔再出去剪前陰
決定自己操刀
之但係唔係每次都成功
而家唸番真係覺得自己當自己係白老鼠
仲有一點
我既髮型，特別係前陰，
係恆久不變
因為...因為...我變唔起，我驚！
真係唔太敢破舊立新~
直至半年前，見到大佬Ｂ同小知既文章
我就決定去搵佢－博奇大師（Porky）
佢仲有齊陰大師之稱
但係，我係由小到大，都未剪個一次齊陰
唯有上到去，又講番個段說話啦
「我係分左邊暗界，Ｄ陰想剪碎既，自然既，有小小斜，最短既的要過眼眉！」
第一次上去真係好緊張呢~ Salon Boku
我有問Porky我適唔適合齊陰
佢話我carry到，但我都係未接受到
所以就照舊
個陣我先知，原來係Porky幫我洗埋頭
真係覺得唔好意思呢
到剪啦
係Porky “落剪”個下
我真係好擔心，郁都唔敢郁
結果，出黎既效果我好滿意
Porky仲話Ｄ陰生長左，唔好自己剪
返去佢幫我剪！
大家可以睇下我髮型的進化~
仲有一點
後面既髮尾我都係一直喜歡又尖又碎的
但係Porky話太尖同太碎會令頭髮看上去更加薄弱
（我本身的頭髮不算太多，而且蠻幼，仲有係好易塌）
所以我唔試齊陰，但我後面髮尾就齊左啦！
當日我仲染埋頭髮，
我發現原來髮尾齊Ｄ，摸上手會滑好多
手感好正！真係忍唔住成日摸Ｄ頭髮（自戀怪）
連男友都大讚呢
仲記得當晚就要同男友慶祝生日~
佢俾我迫佢影相呢~
一個月後，
我既前陰已經生長左好多啦
我係Ｄ小小就忍唔住想剪既人黎
今次我竟然唔知痴左邊條線，
突然間好想試齊陰，
「Porky，我想試齊陰！」
「好呀！」
我到而家我都好記得，剪既時候我真係唔敢郁！
到剪完個下，我都係定左
Porky話剪完有Ｄ似個公仔！哈哈！
原來我襯到齊陰（灑花）
而且我仲覺得幾好睇
望落細個左^^最重要睇落去唔會好傻氣
其實我都有貪得意問Porky如果我剪短髮襯唔襯
佢話如果束起Ｄ頭髮後，個樣望落順眼，就ＯＫ！可以剪！
不過呢刻我 “吉士”唔夠！
就係個一刻，
我認定左佢－博奇大師（Porky）
我已經唔需要再轉髮型師啦！
我最欣賞Porky既耐性（皆因我太煩，哈！要求多多）
而且佢會細心分析俾妳知，妳適合咩髮型，而且有問必答！
我有次上去，仲見到萬寧哥哥添！
上星期上去，見到呢粒珍寶珠，真係覺得好得意
一問它的來源，才知道......(哈哈)
其實地點就係上環
雖然我是新界人
但我...我...係唔會轉髮型師ga la...
Porky Chu
Creative Director
| Porky 於英國著名學府學藝，曾於倫敦和香港工作，因而他擁有更多的經驗及廣闊的視野。工作單位包括著名的Toni and Guy (London)、Hair Associates (London) ，曾參予多個國際著名時裝品牌的時裝表演擔任創作總監，如Vivienne Westwood、Burberry、Land Crawford等，於London Fashion Week擔任嘉賓及評判，著名時裝雜誌Vogue Magazine(London)、Marie Claire、HIM、Esquire及各大報章雜誌以及廣告提供髮型指導，曾為香港及台灣多名演藝明星設計髮型。 |
Photo Number: 9315 1177 / 3151 7575
地址: 上環文咸東街78號華東商業大廈 2101室
記住預約左先呀!
M&M開了FB PAGE
